Movistar mellora a súa rede de fibra no Carballiño

xoves, 13 de outubro do 2022 Redacción

Movistar despregou a súa rede FTTH en doce núcleos de poboación do Carballiño, o que permitiu que 464 novas unidades inmobiliarias dispoñan desta avanzada infraestrutura de comunicación. Estas vivendas súmanse ás 295 unidades inmobiliarias xa conectadas á fibra óptica nos últimos meses, o que supón o 50% de todas as unidades inmobiliarias do Carballiño. Os novos núcleos con cobertura de FTTH de Movistar son O Varón, Partovia, A Fraga, Penedo, Mesiego, Señorín, Trigas, Banga, Reguenga, Miomas, Bouteiro e Sagra.
Os fogares conectados poden gozar xa da fibra óptica de Movistar, que ofrece voz con alta calidade nas chamadas e máxima velocidade de conexión á Internet en varios dispositivos (computador, tableta, móbil…) de forma simultánea e sen reducir a velocidade de conexión, entre outras vantaxes. Ademais, se o usuario dispón de Movistar Plus+, terá acceso a canles de alta definición e poderá gozar dos seus contidos mentres navega pola Internet, ademais de conseguir a máxima velocidade e resposta nos xogos en liña.

PUBLICIDADE