Panda actualiza as súas aplicacións de seguridade informática
luns, 1 de setembro do 2008
A empresa Panda
Security vén de actualizar
a súa oferta de solucións de consumo para manter seguros os equipos
informáticos conectados á Internet, centrándose na redución tanto do consumo de
recursos dos ordenadores coma do largo de banda das conexións.
Estes novos produtos de seguridade informática incorporan innovacións como a
Intelixencia Colectiva de Panda (unha especie de base de datos en liña en tempo
real que almacena todos os ficheiros de sinaturas coñecidos por Panda, mantendo
só os máis importantes no equipo do usuario, e axuda para determinar se un correo
electrónico é seguro), unha nova versión da tecnoloxÃa Identity Protect que detecta intentos de roubo de datos confidenciais
mediante análise heurÃstica e TruPrevent
2.0, que protexe contra malware
descoñecido e ataques que aproveitan vulnerabilidades.
A
nova gama 2009 de Panda inclúe as seguintes aplicacions:
Panda Antivirus Pro 2009: solución contra virus e spyware, que tamén integra
devasa, e que se vende a 39,95 euros para 1 equipo e a 49,95 euros cunha
licenza para 3 equipos.
Panda Internet Security 2009: aparte de loitar contra virus e spyware, este
paquete tamén protexe do correo lixo. Véndese a 59,95 euros para 1 equipo e
79,95 euros para 3.
Panda Global Protection 2009: engade aos anteriores 2 Gb de almacenamento en
liña para copias de seguridade. Se vende por 69,95 euros para 1 ordenador e
89,95 euros para 3 equipos.