O Samsung OmniaHD permite gravar vídeo en alta definición

luns, 16 de febreiro do 2009 Marcus Fernández

O fabricante surcoreano Samsung presentou o seu novo móbil OmniaHD, que sería o primeiro móbil do mundo en gravar vídeo en alta definición a 720p, así coma o primeiro terminal Symbian táctil de Samsung, contando cunha pantalla AMOLED de 3,7 polgadas cunha resolución de 640 x 360 píxeles e podendo tomar fotografías a 8 Mpíxeles.
Tamén conta cunha conectividade excelente, permitindo comunicacións de banda larga móbil de ata 7,2 Mbps de descarga e 5,76 Mbps de subida, Wi-Fi e Bluetooth. A súa memoria interna é de 8 ou 16 Gb (segundo o modelo) ampliable mediante tarxetas microSDHC de ata 32 Gb, é capaz de reproducir películas en distintos codecs (MPEG-4 e DivX) e conta con GPS (co que pode xeoetiquetar as imaxes que capture).

PUBLICIDADE