O Goberno presenta unha canle audiovisual en liña para impulsar a lectura
venres, 14 de outubro do 2011
O Goberno central, a través do Ministerio de
Educación e o seu proxecto Leer.es, vén de
presentar un medio audiovisual, en liña, para que fagamos cos libros algo máis
que empregalos para adobiar andeis e sorprender ás visitas coa nosa extensa cultura.
Estamos a falar de Canal Leer, unha
proposta que se insire na plataforma de televisión NCIwebtv e que, como o seu propio nome
indica, diríxese a fomentar a lectura en tódalas súas feituras, desta volta no
eido iberoamericano.
A proposta, segundo se
conta na Rede, xorde coa colaboración de varias iniciativas e entidades
culturais de ámbalas beiras do Atlántico, sendo o seu obxectivo poñer en xogo
un novo instrumento para acompañar, sinalan, as propostas públicas e académicas
para promover o libro.
A canle foi presentada esta semana por Ángel
Gabilondo, ministro de Educación, nun acto que se desenvolveu na Biblioteca
Nacional e no que participaron, tamén alumnos do IES Blas de Otero de Madrid,
aos que se lles recordou os beneficios da lectura.
