Nova cámara de Nikon con proxector integrado

martes, 17 de agosto do 2010 Marcus Fernández

Nikon ampliou a súa gama COOLPIX cun par de novas cámaras dixitais entre as que destaca especialmente a S1100pj por integrar un proxector, facilitando así o xeito de compartir imaxes e vídeos cos amigos. Esta cámara sucede á S1000pj, pero mellora substancialmente o seu proxector cun 40% máis de luminosidade e a posibilidade de conectala a un PC ou Mac para amosar imaxes ou presentacións (gardadas coma JPEG) almacenadas no equipo informático.
A Nikon COOLPIX S1100pj conta cun sensor de 14,1 Mpíxeles, obxectivo grande angular NIKKOR con zoom de 5x, pantalla táctil LCD de 3 polgadas e múltiples posibilidades creativas mediante distintos efectos. A sensibilidade da cámara chega ata un ISO 6.400 (para imaxes de 3 Mpíxeles), é capaz de gravar vídeo a 720p e o seu proxector ten calidade VGA de 26 a 240 centímetros de tamaño de pantalla. O seu prezo en España aínda non foi anunciado, pero nos EE.UU. é de 349,95 dólares.

PUBLICIDADE