Con Snapdragon C será posible ter portátiles económicos con boa autonomía

Qualcomm presentou a nova plataforma Snapdragon C, un procesador orientado aos portátiles de entrada que busca achegar a arquitectura ARM a equipos cun prezo a partir dos 300 dólares. A proposta céntrase en ofrecer autonomía durante toda a xornada, funcionamento silencioso e un rendemento suficiente para tarefas cotiás como navegación web, reprodución de vídeo e traballo ofimático.
A nova plataforma está pensada para estudantes, familias e pequenos negocios, segmentos nos que o custo dos equipos continúa a ser un factor determinante. Snapdragon C incorpora unha NPU integrada para executar funcións de intelixencia artificial, levando tamén estas capacidades aos equipos máis económicos.
Qualcomm destaca que os equipos con Snapdragon C poderán prescindir de sistemas de refrixeración ruidosos, favorecendo deseños máis delgados e silenciosos. Os primeiros dispositivos con Snapdragon C chegarán ao mercado antes de rematar o ano.