A Deputación de Ourense, referente en comunicación política a través de Twitter
venres, 8 de febreiro do 2019
Esta
semana a Deputación de Ourense foi recoñecida novamente polo seu
labor comunicativo nas redes sociais. O
recoñecemento veu da man do estudo Barómetro Diputación de
Twitter, que sitúa unha vez máis a Manuel Baltar e á entidade
provincial que preside como referentes en comunicación política
nesta comunidade de comunicación dixital. Para Baltar, que a
institución ourensá sexa un referente no dito ranking
“mostra a interactividade da Deputación coa cidadanía”.
Trala
entidade galega figuran os gobernos provinciais de Málaga, Valencia
e Cuenca na suma total de Publicacións, Porcentaxe de
chíos propios, Compromiso e relación cos usuarios desta rede
social, mentres que, no que atinxe a presidentes provinciais,
Manuel Baltar lidera a comunicación en Twitter por diante de César
Sánchez, Javier Moliner e José Entrena Ávila, presidente das
deputacións de Alacante, Castellón e Granada, respectivamente,
nunha relación de máis de corenta máximos responsables de
gobernos provinciais. Segundo se reflicte no estudo, Baltar ocupa o
primeiro posto na suma dos apartados que analizan os chíos
publicados, o compromiso, o impacto total e o impacto medio por chío.
