Windows Phone 8 recibe a Waze no seu crecente catálogo de aplicacións
mércores, 20 de novembro do 2013
Hoxe
parece ser un grande dÃa para os usuarios de Windows Phone 8 pois, non
conformes con recibir
a agardada aplicación oficial de Instagram, estrean tamén a ferramenta
de navegación GPS social Waze, que é unha interesante aplicación con máis
de 60 millóns de usuarios que unen as súas forzas para poder conducir dun xeito
máis intelixente compartindo información sobre o estado do tráfico, o prezo do
carburante, os accidentes e outros incidentes na estrada (como a situación de
controis de Tráfico ou radares).
Waze é un bo navegador que para elixir a ruta máis axeitada aproveita os datos
achegados polos seus usuarios, que tamén poden corrixir datos incorrectos nos
mapas. Entre as súas funcionalidades tamén está a posibilidade de notificar a
alguén a quen imos a recoller no coche sobre a nosa posición, de xeito que
poderá saber en cada momento o que falta para a nosa chegada. Esta plataforma
social tamén conta cun sistema de puntuación para valorar as contribucións dos
usuarios. Cómpre destacar que o uso deste tipo de aplicacións afectan
seriamente á autonomÃa do móbil.
AÃnda que a aplicación de Waze mantén polo momento a súa independencia (os seus
equipos traballan dende Israel), a compañÃa foi adquirida por
Google por un valor de 1.000 millóns de dólares, o que polo momento
concretouse na incorporación de datos de Waze nos sistemas de navegación de
Google, descoñecéndose se Waze conseguirá manter a súa identidade a longo
prazo.