Sony levará os xogos clásicos de PlayStation a dispositivos con Android 2.3
xoves, 27 de xaneiro do 2011
Sony Computer Entertainment
(SCE) decidiu non pór todos os ovos na mesma cesta, e a súa aposta polos
videoxogos portátiles non estarán centrada exclusivamente na súa nova consola
portátil (NGP), senón que tamén terán en conta aos móbiles, que nos últimos
anos foron gañando moito peso como plataforma de xogos, de aà que anuncien a nova
PlayStation Suite, un servizo que levará a experiencia da PlayStation aos
dispositivos baseados en Android, coma móbiles e tablets.
Esta nova aposta da compañÃa nipona non só servirá para incrementar o seu
público potencial, senón que tamén abrirán esta plataforma ao editores e
desenvolvedores de xogos alleos a Sony, á vez que iniciarán un programa de
licenciamento de hardware de xeito que os dispositivos axeitados para gozar dos
seus xogos contarán con selo PlayStation
Certified.
Inicialmente a PlayStation Suite servirá para que os dispositivos con Android
2.3 ou superior poidan acceder ao catálogo de xogos da PlayStation orixinal,
polo que SCE pensa abrir a PlayStation Store para facilitar a compra de
contidos descargables dende os dispositivos con Android.