Os estudios galegos MeigaLabs achegan un xogo que nos pon na pel dun alcalde corrupto
martes, 12 de maio do 2015
Os
estudios galegos MeigaLabs,
dos que falamos
recentemente para dar conta da súa achega Time Pirates (o
seu primeiro xogo para Android), volven á carga para pór á nosa
disposición un xogo moi acaido para estas datas de campaña
electoral, unha campaña que volve pór de manifesto, coas múltiples
e variadas mentiras e disparates dos alcaldábeis, o moito que cómpre
mellorar no ámbito das polÃticas estatal e galega. O xogo en
cuestión tamén vai por este vieiro de amosar o que fica oculto (ou
ficaba até o de agora), xa dende o tÃtulo co que se presenta no
mercado: Alcalde
Corrupto (baseado en feitos reais). Constitúe
a segunda proposta de lecer tecnolóxico da nova empresa galega.
"Trátase",
comenta Xabier Losada dende MeigaLabs, "dun xogo de tipo clicker no que
encarnaremos un rexidor corrupto, sendo o noso obxectivo principal
amosar unha fortuna para a nosa conta de SuÃza". Poderémolo
facer recollendo billetes (cantos máis mellor, claro) ou realizando
contratos non moi legais (enchufando parentes, sendo un cacique en
toda regra) e tomando "unha gran variedade de decisións".
Todas elas, como é de agardar, sempre en beneficio de un mesmo.
Amais
do devandito, tamén podemos meternos na pel dun polÃtico corrupto
para facer cousas como irnos de vacacións (intercambio cultural e de
coñecemento) con narcotraficantes, mover marcos das fincas ou sacar
extractos da nosa conta en SuÃza para compartir e gabarnos da
cantidade acubillada.
O
xogo achégase para a plataforma Android, é de balde e en
vindeiras datas MeigaLabs porá tamén a disposición dos usuarios de
trebellos de Apple unha versión iOS.