O Proxecto NACCE celebra este 13 de setembro en Vigo un foro de internacionalización
martes, 4 de setembro do 2012
- Presentación de NACCE en outubro de 2011
O Proxecto NACCE, do que temos
falado en
Código Cero para dar conta do seu potencial para o emprendemento TIC
galego-portugués, afianza o seu alicerce este mes de setembro
coa celebración dun encontro para abrir novos espazos de actividade
exterior para as empresas das dúas beiras do Miño. A xuntanza, o I Foro NACCE de Internacionalización de PEME TIC de Galicia e
Norte de Portugal, desenvólvese este 13 de setembro na
Cámara de Comercio de Vigo.
Está dirixido a empresas TIC da Eurorrexión que queiran coñecer
as oportunidades de internacionalización do seu negocio, aprender
con experiencias reais e recibir asesoramento personalizado ao seu
caso nas mesas de traballo e de forma virtual no proxecto NACCE. A
xornada vai contar cun formato de mañá con intervencións de
profesionais expertos en internacionalización e xestión empresarial
TIC. Pola tarde, os asistentes poderán entrevistarse cos
profesionais de xeito personalizado en mesas de traballo. Trátase
dunha xornada aberta e de balde, pero con prazas limitadas, polo que
é preciso confirmar previamente asistencia.
Entre os obxectivos de NACCE están promover a economÃa do
coñecemento, favorecer a xeración e a transferencia de profesionais
cualificados e coñecemento a ambos lados da fronteira, superar a
especialización produtiva desta zona nos sectores tradicionais,
fomentar a internacionalización, a competitividade e o emprego, e
impulsar a transferencia tecnolóxica entre as universidades e as
empresas do sector.
Trátase dun proxecto que se inscribe dentro
da segunda convocatoria do Programa de Cooperación Transfronteiriza
España -Portugal 2007-2013. No proxecto NACCE participa como xefe de
fila e responsable a Dirección Xeral de Promoción do Emprego da
ConsellerÃa de Traballo e Benestar, xunto á Asociación Galega de
Empresas TIC (AGESTIC), a Cámara de Comercio, Industria e Navegación
de Vigo, a Universidade de Vigo, a Asociación Empresarial AIMINHO e
a Asociación Centro de Computación Gráfica de Portugal.