A Domus acollerá a primeira edición do Repair Café A Coruña

Dentro da rede de Bancos de Reciclaxe de Electrónica con Software Libre de Galicia botará a andar o vindeiro día 26 entre ás 17:00 e as 20:00 no museo Domus da Coruña o primeiro Repair Café A Coruña, cita mensual na que un grupo de voluntarios xuntará esforzos para reparar distintos tipos de obxectos (ordenadores, electrodomésticos, electrónica de consumo, bicicletas, roupa, móbiles...).
Este tipo de iniciativas buscan a divulgación das tecnoloxías libres e a soberanía dixital, a promoción da electrónica ética a través da reutilización de equipos electrónicos para mellorar a súa vida útil e a redución da fenda dixital.
Os interesados en participar neste primeiro Repair Café A Coruña poden inscribirse vía web.