Levántate, ZP
luns, 2 de outubro do 2006Un vÃdeo co suposto roubo da cadeira de RodrÃguez Zapatero no Congreso dos Deputados causa furor na Rede
Un vídeo está a circular pola Rede con certa insistencia á vez que acapara as olladas dos xornalistas de toda España, pois segundo parece, un grupo de mozos que se fan chamar 4 Gatos (no que parece unha referencia á película 12 Monos) chegarían a introducirse pola noite no Congreso dos Deputados e roubarían a cadeira do presidente do Goberno, José Luis Rodríguez Zapatero, baixo o lema “levántate ZP”, co que pretenderían incitar á mobilización co gallo da Campaña do Milenio de Nacións Unidas.
A campaña Levántate contra
Numerosos blogueiros e xornalistas puxéronse a comprobar as imaxes, e finalmente separaron as imaxes realmente gravadas no Congreso (segundo parece, en colaboración cun funcionario do hemiciclo) das tomas realizadas noutras localizacións coma o Pazo de Linares (dende o que se gravarían as tomas nas que fixen entrar de noite por unha fiestra do Congreso).
A campaña que amosaba a imaxe do escano do Presidente baleiro xunto coa nota “Zapatero, o 16 de outubro en pé contra a pobreza” e que pretendía aparentar unha incursión vandálica gravada (como moitas outras que hai na Internet na que se ve a mozos facendo pintadas e cousas semellantes) non é máis que unha produción da axencia publicitaria Tiempo BBDO Barcelona, que resultou todo un éxito, aínda que é moi posible que a auténtica intención da campaña se perdese dentro das discusións sobre se o vídeo era ou non real, polo que ata o vindeiro día 16 non se saberá se este tipo de polémicas axudan á mobilización cidadá.
O polémico vÃdeo é o seguinte:
