Google atopa atrancos co dereito ao esquecemento
venres, 4 de xullo do 2014
Ante a sentenza do
Tribunal de Xustiza da Unión Europea (TXUE) que recoñece o dereito ao esquecemento, Google puxo en funcionamento un procedemento
un tanto curioso para que os cidadáns poidan exercer tal dereito solicitando a
eliminación de certos resultados de busca en Google, que parece estar a ser
máis un problema que unha solución, xa que tras recibir máis
de 70.000 peticións (das que 6.176 corresponderÃan a España) que
solicitarÃan a retirada de máis de 267.550 enderezos de Internet (21.564 no
caso español) o que está a topar coa dificultade de acadar un equilibrio entre a
protección de datos persoais e o dereito á información.
Un claro exemplo dito foi o apuntado por varios medios británicos, que viron
como varios dos seus contidos desaparecÃan dos resultados de busca figurando no
seu lugar un aviso informando de que a ligazón aos mesmos retirábase en
cumprimento coa lexislación europea, o que conseguiu xusto o efecto contrario
ao pretendido (como bo exemplo do efecto Streisand),
xa que acontecementos que practicamente estaba esquecidos polo público
emerxeron de novo ao figurar como vetados en Google, facendo que o público se
fixase na información para coñecer o motivo do que algúns ven como censura,
recibindo moita atención sobre unha publicación pasada, que era xusto o
contrario ao que pretendÃan os reclamantes.
En vista desta situación, Google decidiu recuar, e xa
non está a vetar contidos dos medios de comunicación británicos, e aÃnda
que dende o buscador demostraron ter a intención de acatar a sentenza do TXUE,
o que está a acontecer deberÃa levar aos lexisladores a regular como debe de
ser o xeito de actuar. DeberÃa establecerse un mecanismo regulado e
transparente que permita, por exemplo, que os medios que publiquen unha
información poidan apelar a solicitude presentada por un cidadán, xa que neste
momento só están a recibir notificacións dos enderezos bloqueados, pero non
saben nin quen presenta a reclamación nin o motivo da mesma, á vez que carecen
da posibilidade de resposta, o que tampouco parece xusto para os medios, e
poderÃa traducirse en actuacións claramente censoras.