A Nintendo DSi XL chegará a España o 5 de marzo
xoves, 14 de xaneiro do 2010
Nintendo vén de anunciar
oficialmente o lanzamento da nova consola portátil Nintendo DSi XL en España,
que finalmente será o vindeiro 5 de marzo en dúas cores (cereixa e chocolate) e
con 2 xogos DSiWare preinstalados (Brain
Training del Dr. Kawashima: Letras e o Diccionario
6 in 1).
Esta revisión da DSi ten coma
principal novidade un tamaño maior (superando incluso á primeira PSP), o
que afecta tanto ao volume da consola (161 x 91,4 x 21,2 mm), ao seu peso (214
gramos), ás dimensións das súas pantallas (que pasan de 3,25 a 4,2 polgadas) e
na forma da súa stylus (que agora
toma unha forma moi semellante á dun bolÃgrafo, o que parece máis cómodo para
moitos usuarios). A súa autonomÃa tamén mellora con respecto á DSi normal
(aÃnda que mantense por debaixo da DS Lite).
Polo momento non anunciaron o prezo ao que chegará ás tendas, pero agárdase que
estea entre 180 e 200 euros. Agárdase que vai conseguir unha boa aceptación,
especialmente entre os usuarios de maior idade e, de feito, no
seu lanzamento nipón o pasado 21 de novembro colocou máis de 100.000 unidades
nos seus 2 primeiros dÃas á venda.