A CNMC multa a Movistar e Yoigo polos seus acordos anticompetitivos
martes, 21 de xullo do 2015
En 2013 Yoigo sorprendeu ao anunciar que pasaría a ofrecer conexións
de banda larga móbil 4G sen agardar á liberación da banda dos 800 MHz,
aproveitando así a licenza da banda dos 1.800 MHz adquirida en 2011, ao que
seguiu un acordo
con Movistar para compartir infraestruturas de telecomunicacións (o que
facilitaba ao operador móbil de Telefónica a entrada anticipada no 4G), pero esta
alianza podería ter consecuencias no mercado, o que levou
á Comisión Nacional dos Mercados e a Competencia (CNMC) a impor unha multa de 6
millóns de euros a Telefónica e de 300.000 a Yoigo (a diferenza das contías
responde ao volume de facturación de cada compañía).
A CNMC analizou a operación que permitía a revenda por parte de Yoigo de
produtos minoristas de Telefónica, o chamado “Fusión a lo Yoigo”, que nun principio sería algo positivo para o
mercado, pero o acordo incluía que cada seis meses Telefónica podía rescindir o
acordo unilateralmente, o que a CNMC considera que tiña efectos perniciosos.
A CNMC tamén analizou o acordo polo que Yoigo utiliza a infraestrutura de
Telefónica para dar servizo onde non chega coa súa propia rede, que inclúe unha
cláusula que impide a Yoigo revender a terceiros a rede de Telefónica, que
tamén sería anticompetitiva.