eHospital, premiado en Austria polo seu labor de aprendizaxe a distancia con adultos
venres, 14 de novembro do 2008
O
proxecto europeo eHospital, no
que participaron o Centro de Supercomputación de
Galicia (CESGA) mailo grupo de
investigación en TecnoloxÃa Educativa da Universidade de Santiago de Compostela,
vén de ser galardoado co mais prestixioso premio á educación de adultos que
concede o Ministerio de Educación, Ciencia e Cultura de Austria, polo seu labor
de formación continua de doentes adultos mediante e-learning, aprendizaxe a distancia por medio das novas
tecnoloxÃas.
eHospital
foi considerada como a Iniciativa con
maior potencial innovador para a educación de adultos de entre 66 propostas
presentadas ao galardón, e que foron avaliadas por un xurado de expertos e
sometidos a votación pública. O premio foi concedido pola ministra austrÃaca de
Educación, Claudia Schmied nunha cerimonia á que asistiu o coordinador do
proxecto, Holger Bienzle, a pasada semana.
Como temos comentado xa nesta
mesma web, o proxecto ten por obxectivo ofrecer formación continua mediante e-learning a enfermos adultos
hospitalizados durante perÃodos longos de tempo e nel participaron oito
institucións de seis paÃses europeos, coa coordinación da institución austrÃaca
Die Berater. O CESGA e a Universidade de Santiago foron os únicos representantes
do estado español, ademais do Complexo Hospitalario Universitario da Coruña,
que foi o lugar no que se levaron a cabo as experiencias formativas.
Difusión dos resultados
As conclusións do proxecto eHospital foron presentados o pasado dÃa 19 de setembro na Conferencia Final eHospital, na cidade austrÃaca de Krems, na que se debateron os resultados e as potencialidades deste tipo de formación en hospitais. Ademais, as conclusións do traballo deron lugar a dúas publicacións. A primeira delas é unha edición resumida que leva por tÃtulo E-learning para doentes adultos hospitalizados. Experiencias-Retos-Recomendacións, de 52 páxinas e dispoñible en cinco idiomas. A segunda publicación, titulada E-Hospital: Experiencias con actividades de e-learning para pacientes, ten 152 páxinas e está dispoñible en inglés e, en breve, editarase en español. Todas estas versións poden consultarse e descargarse na páxina web do proxecto www.ehospital-project.net.
