O Epic Mickey de 3DS retomará a historia dun xogo de Mega Drive
mércores, 4 de abril do 2012
Hai pouco comentamos que a secuela de Epic Mickey terÃa versión para
Nintendo 3DS, pero a información non resultou ser totalmente exacta, senón
que Epic Mickey: El
Retorno de Dos Héroes quedará limitado á Xbox 360 e á PlayStation 3, e
para a nova portátil de Nintendo teremos un tÃtulo totalmente distinto, Epic Mickey: Power of Illusion, que en
vez de continuar a historia do primeiro Epic
Mickey de Wii collerÃa o relevo do Castle
of Illusion de Mega Drive, o que
daralle un toque clásico que moitos
agradecerán.
- Moitos personaxes coñecidos de Disney aparecerán neste xogo para Nintendo 3DS
O novo xogo para Nintendo 3DS chegará tamén no outono e está a ser desenvolvido
por DreamRift en colaboración con Junction Point, e curiosamente conseguiron
que encaixara na historia de Epic Mickey,
pois ambiéntase no Páramo (lugar ao que van a pasar os debuxos animados
esquecidos) onde está actualmente o Castelo
da Ilusión, do que quere fuxir a malvada Mizrabel (meiga que secuestrara a
Minnie no xogo de Mega Drive), o que haberá que evitar facendo uso do pincel
máxico habitual nesta saga, para o que empregarase o panel táctil da consola
portátil (e que creará
efectos tridimensionais únicos).
Power of Illusion será un xogo de
plataformas bastante tradicional, que parece querer render tributo a un tipo de
xogos que moitos botaban en falta, cuns gráficos 2D moi coidados e unha chea de
personaxes coñecidos.
- O Epic Mickey de 3DS terá unha mecánica de plataformas tradicional