Guile chegará este mes a Street Fighter V
luns, 18 de abril do 2016
- Guile leva na saga dende Street Fighter II
Capcom
está a dar detalles da nova actualización que chegará ao seu xogo Street
Fighter V, e como grande sorpresa inclúese
un novo loitador que parece imposible pensar que estivese ausente, Guile,
xa que estamos ante un dos personaxes que levan na saga de xogos de loita dende
Street Fighter II. Amais, o célebre
oficial das Forzas Aéreas chegará acompañado polo seu icónico escenario (unha
base das Forzas Aéreas na que podemos ver un F-16 de fondo).
Guile é un personaxe importante en case todos os xogos de Street Fighter, participando tamén nos numerosos crossover con outras sagas de xogos de
loita, e chegará de balde a todos os xogadores a finais de mes até que se lance
a tenda Zenny. O seu traxe de batalla e escenario estarán dispoñible para os
usuarios que teñen o pase de tempada.
Aparte de anunciar a chegada de Guile, dende Capcom tamén dan conta de que a
vindeira actualización de Street Fighter
V tamén incorporará un sistema para castigar aos xogadores que se
desconecten frecuentemente durante as partidas, chegando incluso a bloquealos
temporalmente notificándoos cunha mensaxe dentro do xogo, para evitar asà os
abusos de xogadores que se desconectaban da Internet a poucos segundos de verse
derrotados en combate, buscando asà non perder posicións nos rankings globais.
Tamén van incorporarse melloras ao xogo para que sexa máis doado conectase aos
salóns de batalla, asà como se suavizarán as restricións para atopar opoñente,
buscando asà solucionar os problemas rexistrados por numerosos xogadores
europeos, que tiñan problemas á hora de atopar contrincantes en liña.
- O clásico escenario de Guile tamén chegará a Street Fighter V