Este mércores estréase como xogo descargable de balde The Legend of Zelda: Four Swords Anniversary Edition
martes, 27 de setembro do 2011
Para celebrar por
todo o alto o 25º aniversario da saga de The
Legend of Zelda, aparte de lanzar un remake
de Occarina of Time para Nintendo 3DS
e Skyward Sword para Wii, tamén
poderemos gozar de The
Legend of Zelda: Four Swords Anniversary Edition, a versión Nintendo DSiWare
do primeiro tÃtulo multi-xogador de Zelda, que aparecera en 2003 como parte do remake para Game Boy Advance de A Link to the Past, e que permite
empuñar a Espada Cuádruple dividindo a Link en 4 versións de si mesmo,
conseguindo asà salvar á princesa Zelda do malvado feiticeiro Vaati.
No modo para un xogador pode controlarse a 2 encarnacións de Link, decidindo
cal está activo co botón L ou R da consola portátil de Nintendo, para que
xuntos resolvan quebracabezas e eviten trampas; mentres que no modo
multi-xogador varios amigos poderán colaborar dende cadansúa consola (Nintendo
3DS/DSi XL/DSi).
Pero o mellor de todo deste xogo descargable é que será de balde dende o 28 de
setembro de 2011 ata o 20 de febreiro de 2012 a través da Tenda Nintendo DSi ou
da eShop para Nintendo 3DS.