eComm&Beers estréase en Galicia
mércores, 17 de xuño do 2015
Mañá ás 19:00 horas a Sala de Prensa de AFundación na cidade
da Coruña vai desenvolverse o primeiro
eComm&Beers de Galicia, un encontro para profesionais do sector do
comercio electrónico que pretende abrir o debate sobre como facer medrar e
incrementar a rendibilidade dun proxecto de comercio electrónico. Para iso
presentaranse un par de proxectos, aos que seguirán unha mesa redonda e unha
sesión networking.
- Kollectbox é un dos proxectos acelerados na Coruña por Zarpamos
Os relatorios que abren o evento comezarán polo proxecto novo KollectBox (acelerado na
coruñesa Zarpamos), presentado por Jorge Oliveira, ao que seguirá Omar
Medina dando conta da tenda en liña
Fuikaomar, especializada en material deportivo, que tras nacer como
establecemento tradicional en 2007 deu o salto á Rede en 2009.
A estes dous relatores unirase ás 19:45 horas Diego González (STD-Multiopción) para participar nunha
mesa redonda na que darán conta de como abordaron o reto de facer medrar as
súas tendas en liña, repasando as mellores prácticas e apuntando os erros a
evitar.
Ás 20:15 horas iniciarase na cafetería de AFundación a sesión de networking na que os asistentes poderán
conversar cunha caña cortesía de Estrella Galicia, entidade colaboradora do
evento.
Os interesados en asistir deberán inscribirse
en liña para reservar a súa praza.