Xa pode probarse o modo multixogador de God of War: Ascensión
mércores, 9 de xaneiro do 2013
O vindeiro 13 de marzo chegará ás tendas o xogo exclusivo de
PS3 God of War: Ascensión, que narrará
as orixes de Kratos, a Pantasma de Esparta, e que contará por primeira vez un modo
multixogador que dende hoxe mesmo poden probar na súa beta os subscritores de
PlayStation Plus. De feito, este adianto do xogo busca ser un reclamo para
probar o servizo PlayStation Plus, que actualmente ofrece de
balde unha subscrición de 30 dÃas a través dunha aplicación de Facebook,
para que os usuarios de PS3 e PS Vita poidan probar a oferta de xogos
instantáneos (cun mÃnimo de 14 xogos dispoñibles ata un total de 65 xogos ao
ano).
A versión de proba do modo multixogador de God
of War: Ascensión permitirá elixir entre 2 dos 4 deuses aos que haberá que
ser leais (Zeus e Ares), ofrece 3 modos de xogo (favor dos deuses por equipos,
captura da bandeira e favor dos deuses en Deathmatch), 2 mapas (o Deserto das
Almas Perdidas e a area do Foro de Hércules), unha grande cantidade de armas,
armaduras, maxia, reliquias e pezas dos deuses para personalizar e gañar, a
posibilidade de chegar ata o nivel 30 e incluso a posibilidade de utilizar a
VoIP para coordinar a estratexia en equipo (especialmente importante no modo de
capturar a bandeira).
Último trailer de God of War: Ascensión
