Xa está dispoñible Minecraft Legends

Os seareiros de Minecraft por fin poden gozar dun agardado xogo desta franquía, Minecraft Legends, que está dispoñible para Xbox Series X|S, Xbox One, PC, Xbox Game Pass, Nintendo Switch, PlayStation 4, PlayStation 5 e incluso televisores de Samsung a través do Gaming Hub. Este título non só está dispoñible para moitas plataformas, senón que tamén soporta o multixogador cruzado, facendo posible xogar cos amigos aínda que cada un estea a utilizar un equipo diferente.
Minecraft Legends é un xogo de estratexia e acción totalmente novo de Mojang Studios e Blackbird Interactive, no que os xogadores teñen que explorar unha terra de exuberantes biomas e ricos recursos que está a piques de mudar por mor da invasión Piglin contra a que os xogadores deben combater para salvar o Overworld.
O xogo permite gozar da súa historia nun modo campaña que pode xogarse en solitario ou colaborando con amigos, contando tamén cun modo competitivo no que os xogadores se reparten en 2 equipos de 4 xogadores que teñen que protexer a súa base e atacar a base inimiga.