Xa está á venda o xogo de 3DS Heroes of Ruin
venres, 15 de xuño do 2012
Hoxe chega ás tendas españolas o xogo de n-Space para a Nintendo
3DS Heroes
of Ruin, que leva o xénero do action
RPG de alxubes ás consolas portátiles, permitindo competir ata a 4
xogadores á vez, dando lugar a unha experiencia comparable á da saga de Diablo, pero coa vantaxe de poder levar
as partidas máis aló do PC.
Este xogo editado por Square Enix permite tanto emprender unha aventura en
solitario en modo local ou conectarse á Rede para poder gozar dun emocionante
modo multi-xogador no que varios guerreiros unirán forzas para derrotar a
numerosas criaturas que van xurdindo no camiño.
- Un dos tipos de personaxe que poderemos elixir será o pistoleiro
Os xogadores poderán elixir entre 4 tipos de personaxe (pistoleiro, vindicador,
alquitecta e salvaxe) para personalizar a súa aparencia e ir mellorando as súas
habilidades e equipamento segundo avanza a historia, que aparte dunha trama
principal na que debemos liberar a Lor Atraxis, fundador da cidade de Nexus,
dunha maldición que o fixo caer enfermo, tamén poderemos atender a moitas
misións paralelas que van xurdindo no camiño.
Antes de acudir á tenda a facerse con este tÃtulo que aspira a ser un dos
grandes éxitos do verán, podemos descargar de balde da eShop a versión de
demostración do xogo, que nos permitirá facernos unha boa idea da experiencia
de xogo que transmitirá a súa versión completa, que incluso contará con misións
especiais que se engadirán durante todo un ano como descarga, o que garante
moitas horas de xogo.
- En Heroes of Ruin haberá que derrotar a numerosas criaturas
- Heroes of Ruin está considerado como o Diablo de 3DS