Xa é posible empregar Google Currents dende España de xeito oficial
mércores, 11 de abril do 2012
- Os contidos de Código Cero están dispoñibles a través de Google Currents
O
pasado mes de decembro Google publicou unha nova aplicación para
dispositivos con Android e con iOS
(como o iPad e o iPhone) chamada Google Currents, e que busca levar a smartphones e tablets as nosas publicacións favoritas que non
conten cunha aplicación de seu, de xeito que os contidos de numerosas páxinas
web, blogs e medios formatéase a xeito de revista para os nosos dispositivos
móbiles, cunha interface moi semellante á que podemos ver con Flipboard,
pero orientándose aos editores en vez de ás redes sociais.
Deste xeito, a través de Google Currents podemos subscribirnos a numerosas
páxinas web que estean accesibles a través de fluxos RSS, a publicacións que
teñamos configuradas en Google Reader e incluso a fluxos públicos de Google+,
permitindo tamén atopar contidos que se adapten aos nosos gustos a través dunha
ficha chamada Trending (que aparece
cando queremos engadir unha publicación á aplicación).
Inicialmente esta ferramenta estaba limitada aos EE.UU., pero hoxe abriuse internacionalmente,
de xeito que, entre outros contidos pode engadirse esta mesma publicación buscándoa
como Código Cero (con acento), para
poder consultar os seus contidos dun xeito cómodo e atractivo dende tablets e
móbiles, sendo posible gozar dos contidos incluso cando esteamos fóra de liña.
VÃdeo de presentación de Google Currents