VideoSpin 2.0, novo editor de vídeo de balde

Esta semana Avid Technology publicou a aplicación VideoSpin 2.0, un programa de balde que permite crear, editar e compartir vídeos dun xeito doado e intuitivo que é compatible con cámaras dixitais que captura vídeo en QuickTime e incluso con teléfonos móbil con 3GP, que na súa nova versión tamén incorpora novas opcións para crear películas a partir de vídeos e fotos cunha maior compatibilidade e facilidade de uso.
Entre as novas características está a función Fit-to-Fill Timeline, que axuda a eliminar automaticamente as bandas negras que aparecen nos vídeos, soporte do formato panorámico para subir vídeos a YouTube e un rendemento global mellorado.
Para a descarga desta aplicación para Windows é preciso rexistrarse.