Usain Bolt estréase como personaxe desbloqueable en Temple Run 2

A franquía de xogos móbiles de correr empregando a pantalla táctil para elixir movementos como xiros ou saltos, Temple Run, vén de dar un sorprendente paso ao incorporar entre o seu catálogo de personaxes desbloqueables ao atleta xamaicano Usain Bolt en Temple Run 2.
O xogo comezara con personaxes propios da súa estética (Guy Dangerous, Scarlett Fox, Barry Bones e Karma Lee) pero foi introducindo personaxes un pouco diferentes (Francisco Montoya o conquistador, Zack Wonder o futbolista e Montana Smith o explorador), pero ao incluír a unha persoal real, que ademais é famoso pola súa habilidade para correr, consegue que moitos queiran desbloquear este contido que estará dispoñible por tempo limitado e só mediante o pagamento con cartos reais (este personaxe non acepta as moedas propias do xogo para o seu desbloqueo), de aí que inclúa tamén algún engadido (Bolt está equipado cun superpoder eléctrico que crea un campo protector e que tamén pode atraer moedas.
Esta non é a primeira incursión do corredor xamaicano nun xogo móbil, poida o ano pasado tamén protagonizou un runner moi sinxelo titulado Bolt!, que está moi lonxe da experiencia que ofrecen os Temple Run pero que tamén pode descargarse de balde.