Unhas xornadas da CEP ilustrarán sobre a utilidade corporativa das redes sociais e blogs
luns, 3 de decembro do 2007
O vindeiro 13 de decembro a Confederación de
Empresarios de Pontevedra organiza unhas
xornadas sobre Contactos
Empresariais a través de Redes Sociais e Blogs, que pretenden facer un
achegamento á Web 2.0 para o que contarán con relatorios de Tomy Pelluz,
responsable de Marketing e Comunicación de Neurona.com, que falará o uso das
redes sociais para o éxito profesional; José Manuel Alarcón, responsable de
produto de Krasis Consulting, que instruirá sobre a comercialización e
fidelización de clientes por correo electrónico; Ricardo Pérez Garrido, do Instituto
de Empresa, que destacará a importancia dos blogs como imaxe corporativa e
Isaac Rubio, director de Novas Canles-Innovación de Caixanova, que exporá un
caso práctico de televisión corporativa para a venda de produtos.
As xornadas terán lugar no Auditorio Antonio Ramilo (CEP) en Vigo a partires
das 17:00 horas do xoves 13, podendo xa descargarse o formulario de inscrición ás
mesmas (en
formato MS Word) da web da Confederación.