Unha aplicación móbil permite enviar SMS de balde
martes, 29 de novembro do 2011
Sabeer
Bhatia, un dos fundadores de Hotmail, fundou con Yoguesh Patel o servizo móbil
JaxtrSMS, que a través dunha aplicación que pode instalarse na meirande
parte de terminais móbiles que poidan facer uso de conexión de datos (por redes
móbiles ou por Wi-Fi) permite o envío de mensaxes de texto de balde que, en
contraste con outros servizos semellantes, irán asinados polo seu remitente real.
Durante a presentación deste proxecto empresarial, Sabeer Bhatia asegurou que “hoxe a oportunidade móbil é maior que a
Internet. Mentres en 2003 superáronse os 3.000 mensaxes de texto enviados, o
número podería chegar aos 12 billóns en 2015, o que é un volume moi elevado.
Queremos revolucionar este espazo facendo as SMS de balde”.
JaxtrSMS conta con aplicacións de
balde para iPhone, para Android,
para
BlackBerry e outros
dispositivos (como móbiles Symbian, Nokia e con Java) polo que
practicamente funciona dende calquera móbil actual, resultando atractivo o
feito de que pode aproveitar calquera conexión á Rede para operar (polo que sen
contar cunha tarifa plana de datos sería posible facer uso deste atractivo servizo) e que os destinatarios das mensaxes poidan estar en calquera lugar do mundo.
Estas aplicacións son totalmente de balde, funcionan co número de teléfono do usuario
e para facilitar o seu uso, pode acceder á axenda dos móbiles para elixir os
destinatarios das mensaxes.
- A aplicación de JaxtrSMS está dispoñible para Android, iPhone e outra plataformas