Un xogo para móbiles Nokia mestúrase coa realidade

Os usuarios de móbiles Nokia E65, N71, N73, N93, N95, N81, N82, 5700 XpressMusic, 6110 e 6120 poden adquirir por 7 euros o xogo The Bubblies, que supón unha interesante innovación nos xogos de coidado de mascotas (coma os Tamagotchi ou os Nintendogs) ao incorporar tecnoloxía de realidade mesturada, pois a aplicación instalada no móbil fai uso da cámara para presentar á nosa mascota no mundo real, de xeito que o podemos ver sobre unha mesa ou voando polo noso domicilio.
Para interactuar co bubblie tamén facemos uso da cámara, xa que serán as nosas propias mans as que permitirán acariñar á mascota, que tamén xogará á pelota (á que lle podemos dar cos nosos propios pés) ou recollerá os discos que lancemos. En definitiva, un xogo realmente revolucionario que podería crear escola.

Pequena demostración do xogo