Un videoxogo español parodia o peche de Megaupload

O estudo valenciano de videoxogos Bionic Thumbs, que desenvolve títulos para iOS, Windows Phone 7 e Xbox 360, parece ter dado cunha fórmula para darse a coñecer internacionalmente, que no foi outra que anunciar que están a traballar no xogo MegaUP: Upload if you can!, que sería un sinxelo xogo de desprazamento horizontal inspirado no peche de Megaupload.
Neste xogo paródico habería que tomar o papel dun fuxitivo que tería que evitar ser atrapado por un suposto equipo de Forzas Especiais da Internet, subindo simultaneamente o meirande número de arquivos posible.
O xogo xa estaría case rematado, para estar dispoñible de balde (con publicidade) para Windows Phone e por menos dun euro na categoría de xogos independentes do Bazar de Xbox LIVE.

Así será o xogo en acción