Un neno barcelonés é o mellor adestrador Pokémon de Europa
martes, 23 de xuño do 2009
Con tan só 12
anos o barcelonés Lucas
Flórez conseguiu o título de mellor adestrador Pokémon de Europa dentro da
categoría junior do Campeonato
Pokémon 2009, tras resultar vencedor na final europea celebrada na
Cidade das Ciencias e da Industria de París.
Máis de 1.300 rapaces aspiraban a representar a España neste campionato, e
Lucas, tras superar as fases española e europea, terá que afrontar agora o reto
da final mundial de San Diego (EE.UU.) que terá lugar entre os días 14 e 15 de
agosto.
Lucas admite estar moi nervioso e
asegura que adestrará duramente as vacacións do verán co seu irmán, aínda que
asegura que manterá a súa estratexia de xogo que sempre lle deu a vitoria.
Miguel
Ángel Morales foi o campión español na categoría senior, pero non tivo tanta fortuna coma Lucas Flórez no
enfrontamento europeo, polo que non pasará á final mundial.
