The Humble Bundle oferta varios xogos de Deep Silver

Saints Row: The Third é o xogo central deste novo Humble Bundle

Os lotes de videoxogos recompilados na iniciativa The Humble Bundle permiten que sexan os propios compradores os que decidan tanto o prezo a pagar polos mesmos, como o reparto que se fai destas cantidades entre desenvolvedores, organizadores da iniciativa e entidade benéficas, o que é un importante reclamo para moitos xogadores que aproveitan a oportunidade para facerse normalmente con xogos independentes, dende onte, e durante un par de semanas está dispoñible un atractivo grupo de xogos de Deep Silver que poden descargarse a través de Steam e que desta volta chega baixo 3 rangos de prezos: quen pague dende 1 dólar terá os xogos Saints Row: The Third, Saints Row 2, Risen 2: Dark Waters e Sacred 2 Gold; quen pague máis da media (4,93 dólares no momento de escribir estas liñas) recibirá tamén todos os contidos adicionais de Saints Row: The Third e a edición xogo do ano de Dead Island; e, finalmente, os que paguen dende 25 dólares poderán ter tamén o recente Dead Island: Riptide.
O atractivo deste novo Humble Bundle parece evidente, o que demostran que en menos dun día conseguise vender máis de 200.000 copias, o que supuxo uns ingresos de preto dun millóns de dólares.