Telefónica renovará as súas cabinas

Telefónica Telecomunicaciones Públicas substituirá paulatinamente a quinta parte dos seus 50.000 teléfonos públicos, especialmente “en grandes cidades e lugares da costa”, por unhas novas cabinas moito máis robustas que as tradicionais e permiten recargar móbiles, mercar tarxetas de tráfico internacional e Wi-Fi, permitirán efectuar doazóns a distintas ONG e enviar SMS, faxes e correo electrónico. Ademais, incorporarán en breve servizos de descarga de contidos para móbiles (música, xogos, logotipos, tons, temas e imaxes) aínda que a principal novidade será a súa pantalla (moito máis grande) e aceptan moedas de ata 2 céntimos aínda que non darán cambio.
Estas novas cabinas xa se veñen probando dende hai 6 meses (hai 800 instaladas) e esta nova operación de implantación precisará dun investimento total duns 6 millóns de euros, aínda que a filial de Telefónica tamén poderá aproveitar estes novos terminais multiservizo coma soporte publicitario multimedia (tanto no curso das chamadas coma en momentos de inactividade).