Steam estrea tarxetas de agasallo

Aínda que os videoxogos levan moitos anos apostando polos contidos descargables, para os menores de idade supoñen un grande atranco, xa que normalmente o pagamento polos mesmos realízase a través de tarxetas bancarias ás que non teñen acceso, de aí que as plataformas das consolas de videoxogos distribúan a través de establecementos físicos tarxetas de prepagamento, estratexia que a principal plataforma dixital para PC quere replicar, e agora Steam estrea tarxetas de agasallo dixitais, que facilitan a incorporación de saldo ás contas dos usuarios para a realización de compras de software e hardware, incluíndo tanto xogos coma contidos dentro dos mesmos.
As novas tarxetas agasallo distribuiranse en tendas físicas de todo o mundo, de xeito que poderán entregarse a xeito de agasallos tradicionais, aínda que tamén poderán adquirirse virtualmente, de xeito que que un usuario de Steam poderá remitirlle unha tarxeta agasallo coa cantidade económica desexada a outro usuario, incluíndo unha mensaxe personalizada, podendo o remitente pagar as tarxetas de agasallo mediante tarxeta bancaria ou PayPal.