Star Wars Outlaws chegará ás tendas o 30 de agosto

Un dos xogos máis agardados este ano é Star Wars Outlaws, do que por fin temos un tráiler oficial e unha data de lanzamento (o vindeiro 30 de agosto), á vez que xa se abriron as reservas para mercar o xogo na súa edición básica, na Gold Edition (con pase de tempada e 3 días de acceso anticipado) e na Ultimate Edition (que engade tamén dous paquetes cosméticos e un libro de arte dixital).
Este xogo tamén pretende ser un importante incentivo para a contratación de Ubisoft+, xa que por 17,99 euros/mes permitirá gozar da Ultimate Edition de Star Wars Outlaws xunto con máis dun cento de títulos de Ubisoft.
Star Wars Outlaws está ambientado entre O Imperio Contraataca e O retorno do Jedi, de xeito que gozará do favor da meirande parte dos seareiros da franquía galáctica (que en moitos casos non ven con bos ollos as entregas máis modernas da serie cinematográfica), e será o primeiro xogo de mundo aberto de Star Wars, permitindo encarnar á buscavidas Kay Vess, quen percorrerá numerosas localizacións que resultarán familiares para os seguidores da saga e terá que vivir unha ariscada vida de foraxida, embarcándose en ariscadas misións dos sindicados to crime de toda a galaxia.