Spotify estrea unha web con recomendacións musicais para gamers
venres, 12 de agosto do 2016
Os servizos de streaming
musical non teñen como único aliciente o seu fondo de catálogo, que
practicamente é idéntico entre os grandes competidores, senón que gañan ao
público por detalles como os dispositivos para os que están dispoñibles, a
facilidade de uso das súas aplicacións ou as listaxes de reprodución que
achegan, e nesta última liña Spotify vén de dar un interesante paso estreando a
páxina web de Spotify Gaming, a
través da que facilita o descubrimento de bandas sonoras orixinais de
videoxogos e coleccións de música pensadas para distintos perfÃs de xogadores,
e que tanto poden servir para o seu dÃa a dÃa como para acompañar ás longas
xornadas de lecer diante da pantalla.
A nova páxina web reparte os seus contidos en catro categorÃas distintas:
Original Soundtracks (con bandas sonoras orixinais completas, que van
dende o novo Uncharted 4 até recompilatorios coa música dos xogos de Mega Man),
Featured Playlists (cunha serie de listaxes de reprodución destacadas para
axudar a descubrir nova música), Community Playlists (con listaxes de reprodución
achegada pola comunidade, entre as que tamén figura listaxes de convidados
entre os que figuran medios especializados en videoxogos) e, finalmente,
Spotify Curated (seleccións musicais elaboradas por Spotify e que están
elixidas por temáticas ou estilos de xogador).
Deste xeito, cando visitamos este novo espazo podemos ver como para os
xogadores retro recomenda xoias como
o Don’t Stop Believin’ de Journey,
aos xogadores épicos recoméndalles
principalmente temas extraÃdos de bandas sonoras cinematográficas e tamén conta
con seleccións de música electrónica, pop, indie
e hip hop, de xeito que resulta doado atopar recomendacións musicais que
completas varias horas para que poidamos escoitar a gusto sen ter que
preocuparnos por elixir os temas cos que agasallar aos nosos ouvidos, quedando
sempre a opción de abrir a porta ao recordo e escoitar a música que acompaña a
algún dos nosos xogos favoritos.
- Spotify Gaming facilÃtanos a localización de ducias de álbums de bandas sonoras orixinais de videoxogos