SincroLibros para potenciar a experiencia lectora
martes, 25 de xuño do 2013
A
empresa compostelá Readmusync está a innovar cun novo xeito de lectura
potenciado mediante a utilización de música sincronizada que busca desatar unha
experiencia multi-sensorial que chega a través de dispositivos móbiles de Apple
en forma de aplicacións que inclúen horas de lecer. Para introducirnos no mundo
da SincroLectura podemos descargar
de balde por tempo limitado a aplicación iZombie-INTELLIGENT ZOMBIES (que
pasará a custar 3,59 euros tras a promoción), que consiste nunha historia de
zombis intelixentes, dende o punto de vista de varios personaxes, escrita por
Monster, que podemos ler acompañados cunha tétrica música composta por Ismael
Berdei, convertendo a este libro electrónico
nunha obra inmersiva, aÃnda que os lectores que prefiran ler ao seu ritmo poden optar pola súa
lectura sen o acompañamento musical.
Con esta interesante aplicación móbil desenvolvida por Defcon Studio temos acceso tanto á
versión en español como en inglés do libro electrónico ao que dá forma, que non
é o único publicado por Readmusync, compañÃa que tamén estreou hai poucos meses
La
maldición de Woodrock: GEMELOS en forma de aplicación
para iOS e para
Android. Temos asà un par de bos exemplos dun formato editorial con certas
semellanzas cos audiolibros, pero deixando a lectura en mans do usuario,
empregando o son só para facilitar a súa concentración e axudar a disparar a
súa imaxinación.
VÃdeo promocional do último SincroLibro de Readmusync