Robin Williams e a súa filla anuncian o novo xogo de The Legend of Zelda
mércores, 15 de xuño do 2011
Para moitos pode
ser unha sorpresa que o actor norteamericano Robin Williams chamase á súa filla
(tamén actriz) Zelda na honra da princesa dos videoxogos de Nintendo, o que
incluso poderÃa tela predisposto a ser unha afeccionada do lecer electrónico (recoñece
xogar moito a xogos como Halo ou Call of Duty). Pero esta anécdota
non cae en saco roto, e Nintendo decidiu aproveitala para que Zelda Williams e o seu pai
protagonicen o anuncio de The Legend of
Zelda: Ocarina of Time 3D, novo xogo para a Nintendo 3DS que recupera o
considerado mellor xogo de todos os tempos (na súa versión orixinal para a
Nintendo 64) adaptándoo ás 3D e agardando que se converta no xogo que dispare
as vendas da nova consola portátil.
Este novo xogo chegará ás tendas españolas o vindeiro venres, e para crear expectación
podemos botar un ollo ao anuncio no que Robin Williams confunde á súa filla
Zelda coa princesa do videoxogo:
Na web tamén podemos atopar unha reportaxe na que explican a súa relación co
xogo Ocarina of Time:
