Rayman terá un novo xogo para dispositivos móbiles no outono

Os últimos xogos de plataformas de Rayman están a ser todo un éxito nas distintas plataformas nas que están dispoñibles, como demostrou o recente Rayman Legends, que xa está dispoñible para Xbox 360, PlayStation 3 e PC, e que esta mesma semana chega a PS Vita, e que destacou especialmente por ser o xogo para Wii U coa mellor crítica ata o momento (conseguiu un magnífico 91 sobre 100 en Metacritic, superando a Mass Effect 3 e Pikmin 3) e pronto vai tocarlle gozar doutro excelente xogo aos posuidores dun tablet ou smartphone, pois o tamén notable Rayman Jungle Run (considerado o mellor xogo da App Store en 2012) terá unha secuela, Rayman Fiesta Run, que levará o xogo ao curioso mundo de Fiesta, onde haberá que correr entre salchichas picantes, galletas e ramplas de chocolate, unha vez máis acompañado por unha mecánica de xogo moi básica e unha música moi divertida.
Rayman Fiesta Run chegará no outono para iOS, Android e Windows Phone, ofrecerá 75 niveis cheos de velocidade, saltos e diversión, e parece que desta volta o lanzamento será simultáneo para as 3 plataformas (evitando que os usuarios do sistema operativo móbil de Microsoft teñan que agardar medio ano para gozar de tamaño xogo).

Trailer de presentación de Rayman Fiesta Run