R pecha 2013 cun importante incremento de clientes
xoves, 26 de decembro do 2013
O operador de telecomunicacións R
vén de realizar un balance das súas actividades durante 2013, exercicio no
que a compañÃa con sede na Coruña tivo que sacrificar ingresos reducindo os
seus prezos, co que conseguiu incrementar a súa base de clientes, captando
101.350 clientes de móbil e 34.800 de servizos fixos, pechando cun total de
325.800 clientes residenciais e de empresa.
A compañÃa conseguiu liderar as portabilidades móbiles en Galicia durante 2013,
incrementou en 102.230 o número de servizos contratados (chegando aos 927.230),
conseguiu chegar aos 7.000 puntos de acceso Wi-Fi de balde para os seus
clientes (espallados por toda Galicia), levou a súa banda
larga ata os 200 Mbps, estreou o
servizo de televisión en alta definición.
Para poder chegar a preto de 910.000 vivendas e negocios de 98 concellos
galegos dende R realizaron un investimento de máis de 937 millóns de euros, ao
que a Xunta de Galicia a través da AMTEGA contribuÃu con 36 millóns de euros
dentro do Plan de Banda Larga que busca levar conexións de alta velocidade á
Internet a núcleos de poboación que tiñan a súa demanda desatendida, en boa
medida por presentar dificultades orográficas. Na actualidade a totalidade dos
193 núcleos de poboación programados para R dentro do devandito Plan gozan xa
de conexións á Rede de nova xeración (NGA), de xeito que teñen conexións de 100
ou 200 Mbps de descarga (e 10 Mbps de subida) cun caudal garantido do 80%.