R continúa a mellorar as súas tarifas móbiles

R continúa a mellorar as condicións das súas tarifas móbiles, e tras incrementar o tráfico de datos de 500 Mb a 1 Gb para os usuarios das tarifas mini+internet, plana 200 24h e plana mini, agora anuncian a reformulación das tarifas planas 800 e 1.600 e das tarifas ocio e única.
Para comezar, as tarifas planas as 24 horas con 800 e 1.600 minutos/mes incrementan o número de minutos dispoñibles, de xeito que mudan de nome, respondendo agora aos de tarifa plana 24h 1000 e tarifa plana 2000 5GB, cambio que terá lugar durante este mes sen custo adicional para o usuario.
No caso das tarifas ocio e única a mellora que experimentarán afectará ás mensaxes de texto, que ata o momento custaban 15 céntimos + IVE (ou 11 céntimos + IVE de enviarse máis de 101 mensaxes) e pasarán a cobrarse a un prezo único de 9 céntimos + IVE.
Estes cambios de condicións aplicaranse de xeito automático, polo que os clientes non teñen que solicitar a súa activación, beneficiándose das novas condicións en canto estea dispoñibles.