Publican unha listaxe cos videoxogos que crean máis interacción social
xoves, 18 de decembro do 2008
Que os mellores videoxogos
non son os máis vendidos é algo que non se lle escapa a ninguén, pero, ¿cales
son os tÃtulos que máis movemento sociais xeran? Pois un estudo pretende medir
este factor e publicou unha listaxe
cos xogos máis activos en foros, redes sociais, comentarios en YouTube, etc.
e os contrastou coa listaxe dos máis vendidos nos EE.UU. segundo o NPD Group,
de xeito que podemos ver cómo 4
dos 10 xogos con máis pegada non
están entre os 10 máis vendidos; que tÃtulos coma LittleBigPlanet conseguen moita
interacción social en relación coas súas moderadas vendas; que xogos coma Guitar Hero: World Tour poden estar moi
activos socialmente antes do seu lanzamento oficial (factor moi importante de
cara ao seu futuro éxito en vendas); que grandes xogos coma GTA IV xeran moito movemento meses
despois do seu lanzamento (cando o seu nivel de vendas xa baixou
considerablemente); e que os xogos deportivos parece que non xeran moito
ruxerruxe, pois NBA 2K9 pese a ter
boas vendas non consegue xerar movemento social.
¿Terá valor esta nova medida do éxito dos xogos? É algo moi discutible, pero
parece que os xogos que máis notarán a súa vertente social serán os que contan
con modo de xogo multiusuario en liña.