Portugal terá a súa primeira cabina telefónica solar da man dunha empresa galega

Este sábado a Cámara de Vila Franca de Xira e Telemo Comunicaciones inaugurarán a primeira cabina telefónica solar de Portugal rematando o acto oficial cunha primeira chamada simbólica.
A cabina estará situada na Praza Marquês de Pombal (Vila Franca de Xira, Lisboa) e a empresa responsable da súa posta en funcionamento é a galega Telemo. Este tipo de dispositivos destacan pola súa rápida instalación (precisan dunha montaxe de só 4 horas) e do seu funcionamento autónomo, posto que contan cunha placa fotovoltaica e unha batería que lle achegan enerxía e nin sequera teñen que conectarse a unha liña telefónica mediante cable.