Pecha con éxito unha serie de obradoiros sobre Joomla! na FNAC coruñesa
mércores, 3 de xuño do 2009
- Elena Feito e Patricia Ferrol na xornada aberta celebrada no Fórum FNAC
Esta
tarde tivo lugar no Fórum da FNAC en A Coruña unha xornada aberta ao público
xeral na que puxeron o broche final ao Taller
Web CMS Joomla!, que durante 8 sesións introduciu aos asistentes en
conceptos básicos do deseño de páxinas web e á súa creación a través da
plataforma de software libre Joomla!, nuns obradoiros impartidos pola
profesional Patricia Ferrol.
Algúns dos asistentes aos obradoiros presentaron publicamente as súas creacións
(que van dende a web dun restaurante ata o espazo virtual dunha asociación
cultural), das que boa parte van rematar converténdose en páxinas web
operativas na Internet, deixando constancia de que unhas poucas horas son
suficientes para aprender o suficiente como para perderlle o medo á creación
web.
Patricia Ferrol tamén presentou unha web piloto sobre o Fórum FNAC
Coruña, que serviu para ilustrar as posibilidades que permite
Joomla!, e que agardan que no futuro
sexa unha web oficial e operativa que busca a participación dos usuarios.
Elena Feito, responsable de Comunicación e Programación Cultural da tenda
coruñesa da FNAC tamén participou nesta xornada de peche, destacando que a
demanda dos obradoiros foi moi elevada, superándose sobradamente o aforo
dispoñible, polo que no futuro procurarán organizar outras iniciativas
tecnolóxicas na mesma dirección.
- Os obradoiros de Joomla! na FNAC gozaron de grande éxito de asistencia