Ourense prepárase para unha nova edición da festa informática Technium
venres, 13 de marzo do 2015
Tras un par de edicións cun importante número de
participantes, a Technium LAN Party prepárase
para a súa celebración este ano, que será entre os dÃas 9 e 12 de abril no
Polideportivo do Campus Universitario de Ourense, de xeito que xa está aberta a inscrición ao evento
que custará 15 euros e limita o seu aforo a 340 prazas.
O encontro busca converterse nunha das LAN Party de referencia a nivel estatal,
cun grande número de actividades programadas durante os seus catro dÃas entre
as que destacan as competicións de videoxogos, que incluirán premios
substanciais que resulten rechamantes e consigan asà elevar o nivel
competitivo. Para os que queden eliminados nos xogos ou non queren participar
nunha longa competición tamén celebraranse torneos ocasionais tanto de
videoxogos como de xogos de mesa, pasando por outras actividades como concursos
de lanzamento de CD (algo case tradicional
neste tipo de concentracións de seareiros da informática).
Esta LAN Party está organizada pola Asociación Sectorial de Estudantes de
EnxeñarÃa Informática (ASEII) en colaboración coa Escola Superior de EnxeñarÃa
Informática do Campus de Ourense, e tras a desaparición de Xuventude Galicia
Net aspira a converterse nunha cita obrigada para os amantes deste tipo de
encontros na comunidade galega.
Polo momento xa están confirmados os torneos dos xogos League of Legends, Counter
Strike: Global Offensive, Smash Bros.,
UltraStar, FIFA 15 e Call of Duty:
Advanced Warfare; terá un expositor no que poder probar o sistema de
realidade virtual Oculus Rift e incluso poderase particpiar nun obradoiro de Hama Beads.
Como é habitual neste tipo de encontros, os participantes deberán acudir co seu
propio equipo informático, regreta de
enchufes, produtos de hixiene persoal (disporase de duchas), equipamento para
durmir (como saco e esteira), cartos (por se xorden imprevistos),
identificación e auriculares (non está permitido o uso de altofalantes durante
o encontro).
Reportaxe en vÃdeo sobre a edición do ano pasado
