Os xogos de ¡Rompe Ralph! chegan a Windows Phone

Aínda que a película ¡Rompe Ralph! xa pasou hai meses polas pantallas dos cines e incluso leva tempo no mercado do vídeo doméstico, continúa a servir de inspiración para videoxogos, e estes días estrea na tenda de descargas para Windows Phone o xogo Wreck-It Ralph, que por 0,99 euros ofrece 5 minixogos baseados na película.
Dentro desta aplicación para Windows Phone podemos xogar ao xa coñecido xogo de plataformas de Fix-It Felix Jr., ao xogo de acción Hero’s Duty, ao típico xogo de desprazamento vertical mediante saltos Sweet Climber, ao sinxelo xogo de carreiras Turbo Time e ao simulador de voo Flight Command. Todos xogos bastante básicos, cunha estética moi clásica, que son aptos tanto para os cativos que gustasen da película como para quen queira botar unhas partidas rápidas no seu móbil.