Os xogos de Little Smart Planet, dispoñíbeis para os clientes de Vodafone
luns, 25 de xaneiro do 2016
Vodafone España vén de
facer pública unha novidade relativa á súa aposta a prol da
educación dixital. Trátase do seu acordo con Little Smart Planet,
unha alianza que vai permitir aos clientes da operadora tirar partido
dos xogos educativos desta prestixiosa firma de lecer dixital para
nenas e nenos, e todo a través de subscrición e por medio da
factura de Vodafone. Segundo sinala a compañía de
telecomunicacións, coa
incorporación dos xogos de Little Smart Planet adhírese ao
cartafol de servizos de Vodafone “un novo concepto de lecer dixital
moi orientado á aprendizaxe e á comunicación dos cativos”. De
feito, sinala, aínda que semellen xogos, son deberes.
Little Smart Planet,
explica a operadora, é un sistema de gamificación baseado en
xogos educativos curriculares, certificado por pedagogos e acaido
para os niveis curriculares de Primaria e de Secundaria. A través
dunha plataforma de seguimento individualizado, os pais e educadores
poden facer seguimento en tempo real do progreso dos nenos. O
alicerce pedagóxico do que parten ten un dobre obxectivo: por unha
banda fortalecer os contidos académicos e, pola outra, desenvolver
habilidades cognitivas como por exemplo exercitar a memoria, razoar,
comprender ou acadar información concreta.
Os máis de medio cento
(54) de xogos de Little Smart Planet van dirixidos a nenos de
primaria de 6 a 11 anos con contidos de matemáticas (18 xogos),
lingua española (18 xogos) e inglés (18 xogos). Nas vindeiras
semanas, Little Smart Planet lanzará Quest Hero que son xogos
da ESO e que tamén estarán dispoñíbeis en Vodafone. A alta no
servizo pode facerse a través da web littlesmartplanet.com/vodafone.
Esta páxina, sinala a operadora, é accesíbel tanto desde o PC como
desde calquera dispositivo móbil (smartphone ou tableta), xa
sexa en conexión móbil ou Wi-Fi. A aplicación de xogos Little
Smart Planet está ao alcance da man dos usuarios para as plataformas
Android, iOS e Windows Phone. A descarga é de balde e a subscrición
ten un custo de 3,99 euros ao mes que irán con cargo á factura
Vodafone.