O xogo español Zack Zero chega á PlayStation Network
xoves, 12 de xaneiro do 2012
Este mércores chegou
á PlayStation Network por 12,99 euros o xogo Zack Zero, obra do estudo español Crocodile Entertainment,
fundado por Carlos Abril (creador de PC
Fútbol) e Alberto Moreno, ambos involucrados en compañÃas tan relevantes
como Dinamic Multimedia e FX Interactive entre outras.
Zack Zero é unha aventura de acción e
plataformas con gráficos 3D e xogabilidade clásica, na que o heroe terá que
salvar á súa amada Marlene, raptada polo malvado Zulrog para intercambiala por
kelestinia (material co poder de permitir viaxar no tempo). Para iso haberá que
percorrer territorios salvaxes da superficie do planeta de Zulrog, introducirse
na base inimiga e percorrer escuaras e misteriosas cavernas, ata rescatar a
Marlene e acabar cos plans do antagonista.
- O xogo conta cunha grande variedade de inimigos
O xogo conta con ata 30 inimigos diferentes coma vermes xigantes, droides de
combate, sapos con forma humana, golems de pedra e escaravellos xigantes, aos
que haberá que derrotar facendo uso dos poderes que achega o traxe de
nanotecnoloxÃa de Zack Zero, de xeito que será posible prender lume aos inimigos,
conxelar o tempo ou converter os puños en roca para superar os distintos retos.
En Zack Zero non falta o humor, a
posibilidade de compartir as nosas puntuacións en liña e mesmo unha dobraxe ao
español con voces profesionais como a de Lorenzo Beteta (quen habitualmente
encarna a personaxes como Fox Mulder en Expediente
X).
Trailer do xogo español para PS3 Zack Zero