O xogo de The Walking Dead estrea a súa segunda tempada
martes, 17 de decembro do 2013
Numerosas publicacións consideraron que o xogo do ano 2012
foi o tÃtulo episódico de Telltale Games baseado no cómic de Los Muertos Vivientes, e para continuar
a colleitar éxitos estrean
hoxe en Steam a un prezo de 22,99 euros a segunda tempada de The Walking Dead, secuela na que
continuaremos a historia de Clementine, cativa orfa que terá que valerse nun
mundo ateigado de mortos viventes e que terá que tomar complicadas decisións
para sobrevivir.
Polo momento só podemos descargar o primeiro dos 5 episodios que comporán esta
tempada que promete ser máis arrepiante que a anterior, por encarnar o xogador
a unha moza en vez de ao adulto que protagonizaba a anterior tempada. O xogo
chegará tamén esta semana a PlayStation 3, a Xbox 360 e incluso a iOS, contando
con moitas bazas para converterse nun dos grandes éxitos do ano, aÃnda que
nesta ocasión terá que convivir con outras aventuras de Telltale, como a
adaptación do cómic Fábulas e, dentro
duns meses, un xogo inspirado na serie Juego
de Tronos, polo que posiblemente teña que compartir os seus froitos cos
seus tÃtulos irmáns.